Монгол Улсад Ардчилсан Үндсэн хууль батлагдсаны 33 жилийн ойн хүрээнд дараах үйл ажиллагааг сумын хэмжээнд зохион байгууллаа. Үүнд: 

1.Сумын Төрийн байгууллагууд Үндсэн хуулийн өдрийг хүндэтгэн бүх төрийн байгууллагууд “Төрийн дуулал”-аа эгшиглүүлж, төрийн үйл ажиллагаагаа эхлүүлсэн. 

2.Төрийн байгууллагын бүх албан хаагчид “Үндэсний хувцас”-аа өмсөж төрийн ажилдаа ирцгээсэн. 

  3. Монгол улсад Анхны Үндсэн хуулийг анх 1924 оны 11 дүгээр сарын 26-ны өдөр баталж, 1940 оны 06 дугаар сарын 30, 1960 оны 7 дугаар сарын 6-ны өдөр тус тус шинэчлэн баталж, 1992 оны 01 дүгээр сарын 13-ны өдөр өнөөгийн шинэ Үндсэн хуулийг баталж, 1992 оны 02 дугаар сарын 12-ны өдрөөс эхлэн даган мөрдөж эхэлсэн талаар сумын ИТХ-ын дарга төсвийн 5 байгууллагын төлөөлөл төрийн албан хаагчдад мэдээлэл хүргэж, Шинэ Үндсэн хууль батлагдсан 33 жилийн ойн баярын мэндийг хүргэсэн. 

  4.Төсвийн 5 байгууллагын 14 албан хаагчдын дунд Шинэ Үндсэн хуулийн агуулгын хүрээнд “Алтан хонх” тэмцээнийг зохион байгуулж, Тэргүүн байрт ЕБС-ийн сургалтын менежер Д.Мөнхномин, Дэд байрт ЗДТГ-ын Төсөв, төрийн сангийн мэргэжилтан М.Оюун-Эрдэнэ нар шалгарч, тус бүрт өргөмжлөл, мөнгөн шагналыг сумын ИТХ-ын дарга Б.Мөнх-Эрдэнэ гардуулж, баяр хүргэлээ. Уг арга хэмжээнд 80.0 мянган төгрөгийг зарцуулсан. 

    Сумын Төрийн байгууллагуудыг Үндсэн хуулийн өдөрт зориулж 1-ээс доошгүй арга хэмжээг зохион байгуулах үүрэг чиглэл өгч ажилласан. Үүнд:

- Ерөнхий Боловсролын сургууль Үндсэн хуулийн өдрийн тухай болон Үндсэн хуулиар иргэд ямар эрх эдэлдэг талаар багш, ажилчиддаа сургалт зохион байгуулсан. Ниит 20 багш, ажилчид хамрагдсан. 

- Хүүхдийн цэцэрлэгийн зүгээс албан хаагчдынхаа дунд үндэсний тоглоом болох шагайн наадгай, морь уралдуулах тэмцээнийг зохион байгуулж, 1-5 дугаар байрыг шалгаруулж, шагнаж урамшуулсан. Мөн Монгол үндэсний өв уламжлалаа дээдлэн хүндэтгэж бүх албан хаагчид ажлын байран дээр үндэсний хувцасаа өмссөн. 

  - Сумын Соёл, спортын төвөөс иргэдийн дунд нийтийн бүжгийг зохион байгуулсан.